كلمات اغنية عبعوب وسيم بغداد #رساله_الى_كردستان Mc Anhar

كلمات الاغنيه:

فصلي, أصلي ما اعرفة ورافع راية أستفهام
قبل علم أليجمعنا وهسه كثرت الأعلام
أفرض المنتخب يلعب والراية البينه تجمع
هسه كثرت الرايات أي راية بيهن أرفع
علم وحد كُل وطننا وأنتوا بالعقل حسبوها
ألله أكبر كلمة تعلة كيف تريدوا تنزلوها
يمكن العرب اذوكم! لكن ذوله مو صدام
طلعوني انام بالشارع لكن أمي وين تنام
تغربوني في بلادي لكن مني اسمع زين
هذه مو ارض ابوكم ذولة كُلهم نازحين
لسه ممكمل كلامي ولسه رايد أن تسمعني
هذه كُلها أرض عيسى كيف تريدوا تزيدوا ضيمه
وهذه المرة كيف يعيد يعني العيد يصير بخيمة
تخيل بيوم القيامة ولمة النبي بيها ينزل
عيسى گُلي شتگولولة حتى عيسى مننا يخجل

ناصر الثورة حسيني وللعلم يزيد ولائي
وكلمن سكت على حقه مو عراقي هذا فضائي
لكن عادي ولكل بيت نعمل حدود وتقسيم
وحتى عادي كلمن ضاج رايح بيعمل اقليم
منهو يفوز بعرب ايدول أكبر همنا بهالبلاد
وما استغرب اذا عبعوب يطلع وسيم بغداد
حلقة بمسلسل بلادي وفيها واضح العنوان
عبعوب على الهوى يأسر بنات طهران
كُل ما اتابعك بتحمة والحل العندي اضمن
خذلك نستلة سنيكرز ياريت تحسها احسن
وهذه ترجية بأذنك خلها في ذهنك للأبدّ
هل تعلم أنو بغداد أوصخ عاصمة في ألبلدّ
ما استغرب باچر عگبة لو الكويت بتحتلنا
ما استغرب اذا يجي بونا حتى يدافعلنا
اتمنى اتابعون بلادي بگد فضيحه لا متفك
أسف لأني ناسي همنا نتابع جسم حلا ترك