كلمة الجندي العراقي #تحرير_الرمادي Mc Anhar

Mc Anhar الجندي العراقي #تحرير_الرمادي Mc Anhar

كلمات الاغنية
انا الما غنتلي امي لان الطلقة بذني ونت
بكماطي اشم بارود بس الجيلة بسمي غنت
كاروكي عاشر تفكه ضكت الجدحه والشرار
خوة وعشرة وية الموت بليس معينه مستشار

نرضع من اسم عباس ونترس الغيره ابطنا
يعني لو تطك الغيرة حتى النيل انجرة يمنا
ما احب اكون داسكي اني اتواضع مثل كوجي
بركان ومن اثور ايفور وياي جبل فوجي

انا عراقي بكل غرور حروفي تشهد بكلامي
لو حروفي ما تزلزل بيدي اكلبها لتسونامي
ويه صحباني جنت اتراهن يا موته بينا احله
الموت بلا كحل ما اريد خل يجيني و بيدي اكحله

بكل اعدائي ماكو زلمه وين الزلمه ارد اشوفه
الاشوفه كلهم نسوه واني بنصهم كازنوفا
عراقي الضده عاده بزودك روح واساله
ما لاعب بيهم طوبة لاعب بيهم دمبلة
…………..

الدول ابكوكب زمرد اله بلادي بكوكب اكشن
حتى اعراقي غيرو اسمه الجهنم برودكشن
موقع مو بكوكل عدنا بالدنيا شوفه واحكم
اسمه اهنا جنود ابطال بالعراق دوت كوم

النخوه العدنا لو نزخها انخلي المطره تكلب وابل
انا عراقي اصنع رجولة ماني هندي اصنع توابل
جندي بفخري وابتاريخي افتح كَلبي تلكه بابل
قارن بيني وبالشجاعه لاخذ بالشجاعه نوبل

اخبط فكري بفكر ابفكارك فكر فكرة اتفكر فيها
انا الجند الجندت جندي جنودي جنود المتلاويها
فرجه اسلاحي ودمي لون وارسم الموت بتاني
جندي وبيدي ارسم موتي بيكاسو ما يلحكني
سفينة وما رسيت شراعي ماخذني للجفن
علي لو اشمه بنجف روحي تشتهيها الدفن

والله ما اخاف الموت اصلا منه ماكو اسهل
لكن همي بس دمعي امي ما يهلي لمه ينزل

داعش من وصخهم سود ضني جوي من اثوبيا
شخصولي مرض داعش طلع العراقي فوبيا
صدكو مهما وكفوتو ضدنا انوزع الركب هداية
احنه سلسلة شجعان نصطف نصبح هيمالايا

انا عراقي وانتو جاي بستكان وبيدي اخوطه
انعلك الجثث بالتيل حتى انسويها مسموطه
انتو جاهدو بنكاح وانا للوطن جهادي
للموصل جاي الدور بعد تحرير الرمادي