كلمات الخوه العراقية الاصلية #عباس_وحسين #لا للطائفية Mc Anhar

الخوه العراقية الاصلية #عباس_وحسين #لا للطائفية Mc Anhar

كلمات الاغنية
شاجور بايدي واكف لجل اسحبلك زنادي
اكطم ايدي وبيها احارب لجلك لو خلص عتادي
اكطع كل حبل وريد لو مني دم تحتاج
اسال كل ذياب لاوتنا كيف اتحولو نعاج
تدخل ابموقف احراج وقت الشده ما نتحاجه
نفرش الكاع بزلمنا حتى الكاع اتضل تتباجه
عراقي طبعي جذر لمن انزرع بالكاع
ماني غصن بقل شده لجل انكطع ابساع
احنه ارض من خطاها اتشرف كلمن من عرفها
احنه النخله نطت روحها لجل اتعيش سعفها
نتلكة الموت بهلهولة لو جانه ودك الباب
روح لعزرائيل كولوله لجل الخوه انكص اركاب
شايل غيرت اهل الحشد كلبي يصرخلك عباس
ابن الجيله والبارود ماني من ابن تكساس
ودام الغيره من الحشد وبلا فخر كيف اعيش
لهذا بيه نهر فخر ينبع منبعه من الجيش
…
احنه الي نخاوي الخوه حتى وي الموت بنتخاوه
ودام الموت الي مخاوينا حتى عالموت ناخذ خاوه
وداعت امي وراس ابوية وحك كل ضلع خاويته
ضلعي والي يمس الخوه انروح اندفنه وصت بيته
ياما وياما اندكو بينا وضل وراهم بس اعجاجه
ما رايد روحه اليندك توصل صيته لحد قرطاجه
بينه طيبة ال البيت كلوب امطعمه بقسيس
لكن بالشر انكون بشر لكن ابهيئت ابليس
طبعي معيدي من اتخبل ابكلامي انقط جيلة
حروفي تنكلب بارود اسلاحي جلماتي الثجيله
لو تغربل ابجفيتي اتشوف الزامطو كدامي
انا انباري لحد النجف وليم علي اكسر اجدامي
انا ابليس بيد اصيده كيف اتضن اكون فريسه
انا جنوبي ابن ملحه الضحه بروحه لكل كنيسة
انا كردي ابن الشمال لحد بغداد امدلك جنحي
ف وطالما اسمك عراقي يكفي بروحي لك اضحي
……..
كالو اعراقك طوائف انسه اتوحده او تجمعه
لكن ردي البيه اضربك وانت الما تكدر تجمعه
لك عراقي لو طكيت جربني يوم الجمعه
حتى لو اذانك طرشه صوت الحق البينا تسمعه
انت وين وانا منين يمكن ايفرقنا دين
مسلم صبي او مسيحي شبكي او ازيدي خوه
نعم واحنه اصل الخوه ما نستوردها من الصين
ضعف لمن ليفرقونا وكلنا ضد الباطل قوة
وهوه اليعشك ضوه الشمس لابد يعشك ضوه الكمر
وبكد عشك اسم علي لابد تعشك اسم عمر
والي ايفرق بالطوائف لابد رايد يخسر عمره
حلكه الاعوج لو ميعدله انجب لحلكه اسبانه العشره
لا تستغرب لمه مسلم ابحب عيسى اتشوفه طامع
لا تستغرب من مسيحي اتشوفه ايصلي بنص جوامع
لا تستغرب من ازيدي وشبكي ابمندي راح ايصلي
ولا تستغرب لمه صبي اتشوفه يعشك اسم علي